वडा नं. १

वडा नं. १ साविकको अनेकोट गा.वि.स.का वडा नं १,६,७,९ मिलेर बनेको छ । यहाँको जनसंख्या महिला २१७२, पुरुष २०२८ गरी जम्मा ४२०० र ८५६ घरधुरी रहेको छ । २०७४ को स्थानीय निर्वाचनबाट अष्ठ बहादुर तामाङ वडा अध्यक्ष पदमा निर्वाचित हुनु भएको हो । यस वडामा तामाङ, ब्राह्मण, क्षेत्रीको बसोवास रहेको छ । यस क्षेत्रका अधिकांश जनता कृषिमा निर्भर छन् । अनेकोट भ्यूटावर यस क्षेत्रको महत्वपुर्ण पर्यटकीय गन्तव्य रहेको छ ।

Population:४२००
Ward Contact Number:०१६२२७४५३

वडा नं. २

वडा नं. २ साविक अनैकोट गा.वि.स. का २,३,४,५,८,९ मिलेर बनेको हो । यस वडाको जनासंख्या ४०८९ छन् जसमा महिला २०८७ पुरुष २००२ रहेको छ भने ८७७ घरधुरी रहेका छन् । श्री हरिराम खतिवडा २०७४ को स्थानीय तहको निर्वाचनमा वडा अध्यक्ष पदमा निर्वाचित हुनु भएको हो । यस वडामा विशेष गरी ब्राह्मण, क्षेत्रीको बाहुल्यता रहेको छ । कृषि नै जिविकोपार्जनको मुख्य पेशा रहेको यस वडामा आलु र धान मुख्य रूपमा उत्पादन हुन्छ ।

Population:४०८९
Ward Contact Number:०१६२२७४५३

वडा नं. ३

पाँचखाल नगरपालिकाको वडा नं. ३ साविक पाँचखाल गा.वि.स. ४ र ५ मिलेर बनेको छ । यस वडाको जम्मा जनसंख्या २५४५ रहेकोमा १२७३ पुरुष र १२७२ महिला र ५७८ घरधुरी रहेको छ । तराई जस्तै समथर भू-भाग रहेको यस वडामा पनि कृषि नै जीविकोपार्जनको मुख्य पेशा रहेको छ । श्री सुन्दर अधिकारीले २०७४ को स्थानीय तह निर्वाचनमा वडा अध्यक्षको पदमा निर्वाचित भई जिम्मेवारी सम्हाल्नु भएको छ ।

Population:२५४५
Ward Contact Number:०११४९९४५८

वडा नं. ४

पाँचखाल नगरपालिकाको वडा नं. ४ साविक पाँचखाल गा.वि.स. वडा नं. ६ अन्तर्गत रहेको थियो । यस वडाको जम्मा जनसंख्या ३१७८ रहेको छ जसमा १५९७ पुरुष र १५८१ महिला छ भने ७२३ घरधुरी रहेको छ । यस वडाले बजार क्षेत्र समेट्छ । श्री सुन्दर तामाङ २०७४ को स्थानीय तह निर्वाचन बाट वडा अध्यक्ष पदमा निर्वाचित हुनु भई कार्यभार सम्हाल्नु भएको छ । बाहुन, क्षेत्री, दनुवार आदिको वसोवास रहेको यस वडामा बजार क्षेत्र पर्ने हुनाले वाक्लो वस्ती हुनुका साथै वसाईसराई गरी आउनेहरुको पनि बाक्लो बसोवास छ ।

Population:३१७८
Ward Contact Number:०११४९९३८८

वडा नं. ५

पाँचखाल नगरपालिकाको वडा नं. ५ साविक गा.वि.स. वडा नं. १,२,३ मिलेर बनेको हो । यस वडाको जम्मा जनसंख्या २६५४ रहेको छ जसमा १२८९ पुरुष र १३६५ महिला र ५९९ घरधुरी रहेको छ । श्री बालकृष्ण सापकोटा २०७४ को स्थानीय तहको निर्वाचनमा वडा अध्यक्षको पदमा निर्वाचित हुनु भएको हो । अरु वडामा जस्तै यस वडामा पनि कृषि नै जिविकोपार्जनको मुख्य पेशा रहेको छ । बाहुन, क्षेत्री, तामाङ आदिको वसोवास रहेको यस वडामा हरियाली भएको भिरालो जमिन रहेको छ । अरनिको राजमार्गले छुने यस क्षेत्रमा होटेल व्यवसाय पनि बढ्ने क्रममा छ ।

Population:२६५४
Ward Contact Number:०१६२२७४५२

वडा नं. ६

वडा नं. ६ साविक पाँचखाल गा.वि.स. ७,८,९ मिलेर बनेको छ । यस वडाको जम्मा जनसंख्या ३९६१ मध्ये १९४६ पुरुष र २०१४ महिला रहेका छन् । १११० घरधुरी रहेको यस वडामा श्री रामशरण दुलालले २०७४ को स्थानीय तहको निर्वाचनमा वडा अध्यक्षको पदमा निर्वाचित हुनु भएको हो । बाहुन, क्षेत्री, दनुवार आदिको मुख्य रूपमा बसोबास रहेको यस वडामा कृषि मुख्य पेशा रहेको छ ।

Population:३९६१
Ward Contact Number:०११४०७०३८

वडा नं. ७

पाँचखाल नगरपालीकाको वडा नं. ७ साविक होक्सेबजार गा.वि.स. वडा नं. १,२,३ मिलेर बनेको हो । यस वडाको जम्मा जनसंख्या २२७४ मध्ये ११२५ पुरुष र ११४८ महिला रहेको छ । ४७३ घरधुरी रहेको यस वडामा बाहुन, क्षेत्री, सार्कीको बाहुल्यता रहेको छ । श्री पुष्कर ढकाल २०७४ को स्थानीय तहको निर्वाचनमा वडा अध्यक्षको पदमा निर्वाचित हुनु भएको हो । अन्य वडामा जस्तै यस वडामा पनि कृषि नै जिविकोपार्जनको मुख्य पेश रहेको छ ।

Population:२२७४
Ward Contact Number:०१६२०१४५१

वडा नं. ८

पाँचखाल नगरपालिकाको वडा नं. ८ साविक होक्से बजार गा.वि.स. वडा नं. ४,५,६,७,८ र ९ मिलेर बनेको हो । यस वडाको जनासंख्या ३५३५ मध्ये १८०५ पुरुष र १७३० महिला रहेका छन । यस वडामा जम्मा ७०८ घरधुरी रहेको छ । श्री सञ्जय तामाङ्ग २०७४ को स्थानीय तहको निर्वाचनमा वडा अध्यक्षको पदमा निर्वाचित हुनु भएको हो । यस वडामा तामाङ्ग, ब्राह्मण, क्षेत्री र दनुवार आदिको बसोबास रहेको छ । प्रायजसो सबै जनता कृषिमा नै निर्भर रहेका छन ।

Population:३५३५
Ward Contact Number:०१६२२७४५४

वडा नं. ९

पाँचखाल नगरपालिका वडा नं. ९ साविक साठ्ठीघर गा.वि.स. वडा नं. १ देखि ९ सम्म मिलेर बनेको हो । यस वडाको जनसंख्या ३३७७ मा पुरुष १६६१ र महिला १७१६ रहेको छ । ७७९ घरधुरी रहेको यस वडाले बजार क्षेत्र समेटेको छ । श्री किरण श्रेष्ठ २०७४ को स्थानीय तहको निर्वाचनमा वडा अध्यक्षको पदमा निर्वाचित हुनु भएको हो । विशेष गरी ब्राह्मण, क्षेत्री, नेवार आदिको बसोबास रहेको यस क्षेत्रका जनता कृषि लगायत विभिन्न पेशामा आवद्ध छन । यस वडामा प्रसिद्ध शक्तिपिठ श्री पलाञ्चोक भगवती माताको मन्दिर छ जहाँ विभिन्न पर्वमा भक्तजनको ठुलो भिड हुन्छ ।

Population:३३७७
Ward Contact Number:०१६२२७४५६

वडा नं. १०

पाँचखाल नगरपालिकाको वडा नं. १० साविक देवभुमी बालुवा गा.वि.स. ८ अन्तर्गत पर्दछ । यस वडाको जम्मा जनसंख्या २११७ रहेकोमा पुरुष १००४ र महिला १११२ रहेको छ । ४८७ घरधुरी रहेको यस वडामा श्री नारायण प्रसाद सापकोटा २०७४ को स्थानीय तहको निर्वाचनमा वडा अध्यक्षको पदमा निर्वाचित हुनु भएको हो । अधिकांश जमिन भिरालो भएको हुँदा यस वडामा खेति योग्य जमिनको कमी छ ।

Population:२११७
Ward Contact Number:०१६२२७३६०

वडा नं. ११

पाँचखाल नगरपालिकाको वडा नं. ११ साविक खरेलथोक गा.वि.स. वडा नं. १ देखि ९ सम्म मिलेर बनेको छ । यस वडाको जनसंख्या २८५५ रहेकोमा पुरुष १४५६ र महिला १३९५ रहेको छ । ६८१ घरधुरी रहेको यस वडामा श्री शिव शरण लामा २०७४ को स्थानीय तहको निर्वाचनमा वडा अध्यक्षको पदमा निर्वाचित हुनु भएको हो ।

Population:२८५५
Ward Contact Number:०१६२२७४६०

वडा नं. १२

पाँचखाल नगरपालिकाको वडा नं. १२ साविक देवभुमी वालुवा गा.वि.स. वडा नं. १,२,३,४,५,६,७,८,९ वडाहरु मिलेर बनेको छ । यस वडाको जम्मा जनसंख्या ४७२१ रहेकोमा पुरुष २४३२ र २२२८ महिला छन् । १०१४ घरधुरी रहेको यस वडामा श्री गोपाल बहादुर दनुवार २०७४ को स्थानीय तहको निर्वाचनमा वडा अध्यक्षको पदमा निर्वाचित हुनु भएको हो । दनुवार जातिको बाहुल्यता रहेको यस वडामा धान र आलु मुख्य कृषि उत्पादन रहेको छ ।

Population:४७२१
Ward Contact Number:०१६२००४६२

वडा नं. १३

पाँचखाल नगरपालिका वडा नं. १३ साविक कोशीदेखा गा.वि.स. वडा नं. १ देखि ९ सम्म मिलेर बनेको छ । यस वडाको जम्मा जनसंख्या २५०५ रहेकोमा पुरुष १२०४ र महिला १३०१ छन् । ४९६ घरधुरी रहेको वडा नं. १३ मा श्री शुकुविर तामाङ्ग २०७४ को स्थानीय तहको निर्वाचनमा वडा अध्यक्षको पदमा निर्वाचित हुनु भएको हो । सुनकोशी नदी प्रमुख पर्यटकीय गन्तव्यको रूपमा रहेको यस वडामा नदीको बेंसीमा कृषिजन्य खेतीको उत्पादन बढी हुन्छ । मुख्य रूपमा तामाङ्गहरुको वसोवास रहेको यस वडामा ब्राह्मण, क्षेत्री, मगर आदि जातजातिहरुको पनि वसोवास रहेको छ ।

Population:२५०५
Ward Contact Number:०१६२००४६०